Icelandair sendi flugmönnum tillögur í kjaradeilunni fram hjá FÍA

RÚV · 10/30/2026, 3:48:48 PM

Icelandair hefur sent flugmönnum félagsins tillögur sínar að lausn kjaradeilu við Félag íslenskra atvinnuflugmanna (FÍA). Jón Þór Þorvaldsson, formaður FÍA, segir Icelandair með þessu reyna að hafa áhrif á kjaradeiluna með því að fara fram hjá samninganefnd flugmanna. Hann segir samningum ekki komið á þessum hætti. Kjaradeilu Félags íslenskra atvinnuflugmanna og Icelandair var vísað til ríkissáttasemjara í lok apríl. Í júní sammæltust FÍA og Icelandair um að vinna eftir verkáætlun ríkissáttasemjara undir friðarskyldu. Markmiðið var að klára samninga fyrir 15. september en það tókst ekki.