Líkamshlutar manns fundust í Rínarfljóti

RÚV · 10/26/2026, 7:52:30 PM

Þrír menn fundu poka sem innihéldu fótlegg af manni þegar þeir gengu meðfram árbakka Rínarfljóts í Stein, skammt frá Basel í Sviss, í gær. Lögreglan í svissnesku kantónunni Aargau fann síðar fleiri poka með líkamshlutum manns eftir leit sem framkvæmd var með aðstoð báts og kafara. Í tilkynningu frá lögreglunni kemur fram að allt bendi til manndráps, samkvæmt frétt svissneska miðilsins blue News. Lögreglan hefur hafið rannsókn á málinu en hefur engan grunaðan að svo stöddu. Ekki hefur tekist að bera kennsl á hinn látna.